شهادة للطبيب بدر ناصر اماجيد حول الحالة الكارثية لمستشفى المأمومين بمراكش المغربية

مراكش كلات الدق...كانهضر غير صحيا حيت هو الميدان للي كانفهم فيه شوية....اما اقتصاديا مازال العاطي يعطي.

المامونية ماشي يالله ولات هكا... من زمان و هي هكا... من زمان و انت كاتحصل مع المرضى الى جاو كثار خاصهم nébulisation فالشتوة على قبل البرد و ضيق التنفس.... من زمان و كاتحصل فالصيف مع قرصات العقارب فاش كيكثرو.... من زمان و الاطباء و الممرضين و التقنيين كيشكيو من قلة للموارد البشرية و اللوجيستيكية باش يخدمو. من نهارها خدامة برضاة الواليدين.

من ديما و هي هكاك.... حتى جات كورونا ... حاولو يزوقوها كيفما زوقو غيرها و حاولو ما امكن يكاليو عليها بشوية ديالl'antiseptique و الماسكات و جوج ݣياطن لاستقبال المرضى و واحد اربعة ديال ميزان الحرارة.

مرة اخرى الاطقم الطبية و التمريضية و التقنيين خدمو بداكشي للي عندهم و تقاتلوا ... و لكن الله غالب.... ميمكنش تجي فاربع اشهر تبني داكشي للي كنتي كاتريّب سنوات.

ماشي وقت اللوم دابا.... دابا وقت للي فيديه شيحاجة يديرها و لو بسيطة.... و لكن مافيها باس : فاش تشوفو تصاور المامونية دابا، تفكروا انه فاش كان كلشي ناسيها و الناس خدامين فيها بللي عطا الله ... و كيديروا اضرابات و الحالة... الجواب للي كان كيوصلهم هو صوت البيفان ديال جامع الفنا فالمهرجانات.

البارح كانت طنجة .... اليوم مراكش ....

البارح كانو ارقام كانسمعوهم..... شوية ولاو مرضى شفناهم.... شوية وفيات عند ناس كانعرفوهم و قراب لينا.... و غدا؟؟؟؟

كل نهار كاتسمع صحابك و ناس خدمتي معاهم كيتصابو بالجملة...

آ مولى نوبة .

#مراكش_تختنق