آخر الأخبار :

قبل أوليدي كانت حاكمة فرنسا أوريجينال،،دابا حاكمة فرنسا إيميتاسيون !


ركبت هاد العشية فمراكش مع سائق طاكسي غزااااال،،،السيد كبير في السن،،فالأول عصبني،،غادي بشويش عليه،،كيتصنت للأخبار،،فديك الإذاعة البئيسة ديال الرباط،،،دار عندي: واهاد هولاند كيقولو غيجيب الموعاونة،،
_ و راه أنا ساكن فكازا،،راه دايرين حالة طوارئ على قبلو،،،
_و وليدي،،، لو تلاقيتو ،،نقول ليه:علاش خرجتو بكري من لبلاد،،قودتو السوايع
_وا عمي و زعما راه كان استعمار،خاصو يمشي
_أشمن استعمار،استعمار هو لي حنا فيه،،قبل أوليدي كانت حاكمة فرنسا أوريجينال،،دابا حاكمة فرنسا إيميتاسيون(ينطق التاء باللكنة المراكشية الجميلة)،،و لايني الإيميتاسيون ديما خاسر،،، راه أوليدي قبل الاستعمار مكنوش الرجال كيعرفو الكالصون و لا النسا كيعرفو السوتيان كورج،،،،أودي خرجو قبل ميكملو خدمتم،،،
-مخلتيلي منقول،،،واش فراسك أعمي جايب معاه صاحبتو
- إيوا أولدي هولاند جايب معاه هولاندا،،،دابا حتا أنا راه توفات لي السيدة،،غنشوف شي فريكيسة،،ولي دوا معايا نقوليه:و بريزيدون دو فرانس و عندو فريكستو
_كاينة،،الشريف غير هنا
_إيوا الله يخلف على كريمة
_شكون كريمة؟
-كريمة لي عرضات على هولاند و هولاندا،،مسمعتيش فالراديو:بدعوة كريمة،،،ههه ها 1 ل 0 أ لكازاوي
بيناتنا عندو شوية د الحق،،،لو كان غير تعطل شوية الاستعمار،،،هاد الخلاصة قالها العروي بطريقة غير مباشرة و بفيرسيون المثقف،،و لكن وجدت عبارة الشيفور أبلغ

خالد البكاري على صفحته الفايسبوكية




نشر الخبر :
عدد المشاهدات
أرسل لأحد ما طباعة الصفحة
الرجاء من السادة القراء ومتصفحي الموقع الالتزام بفضيلة الحوار وآداب وقواعد النقاش عند كتابة ردودهم وتعليقاته،وتجنب استعمال الكلمات النابية أو الحاطة للكرامة الإنسانية.