‫أربعة أيام فدار القحاب كانت كافية باش نكره دنيا ومايجي منها ...... القحاب غا هما بعدا خانزين ...... وعاد قصاص حياتهوم خانزين أكثر منهوم ..... ربع يام شفت فيها مرا كاتجيب بنتها كاتحطها من ربعة حتى ل ستة باش تجرب حضها ..... شفت فيها المطلقات كايتحواو ها لي مات ليها الراجل ها المنقبات ها طالبات جامعيات تاهما كايبريكوليو ..... و لكن ماعمرني فكرت نحوي شي،وحدة ماشي،حيت خايف من الحاجة ..... و وخا باقي عندي طبون شي حاجة ويالله كانقييم ولكن كانقول أش غاتحوي وحدة كايدوزو عليه سطاش ر واحد فنهار ...... ديك ربع يام غاندور ندور ندخل لطواليط،عاطيها غا لتكفات ....... دوزت مع الحاجة تنين و تلاط و لاربع و الخميس .... دازو دوك ربع يام العداب الأليم مامرتاحش مضييق بحال إلى سديتي عليا فشي،قرعة ........ وخا موالف بتخسار الهضرة فتبريكت و المضاربات ولكن داكشي لي فدار الحاجة بزاااااااف ....... كلشي خاسر كلشي عريان كلشي كايكمي ...... كلشي غادي على الحوااااااا ....... تقول بنادم مخلقوش،سيدي ربي على شي حاجة خرى من غير إحوي ...... من بعد ربع يام جا نهار جمعة ديال روبو عند الحاجة تاشي،ولد القحبة مايدور بجهة الدار .... كاينين غا أنا وياها ...... الحاجة نهار جمعة كاتمشي،لجامع من العشرة د الصباح ونا خلاتني فالدار بوحدي الله على راحة ...... ضارت ليا فالخوا ونا نكول غانطلع شي،حوايج للسطاح نصبنهوم ....... كانصبن فدوك الحوايج و كانتشمس ...... ونا نسمع الدقان فالباب لتحت ..... قلت فدماغي شكون هد القلاوي لي جا اليوما غا من الدقان عرفتو كليان ...... طليت عليها فدروج قلت ليها شكون .... الصوت ديال درية قالت ليا مكايناش،الحاجة قلت ليها لا مشات الجوموعة ..... و الحاجة راها مكايناش اليوما قالت ليا وخا ...... رجعت نكمل حوايجي وهي تطلع شفت فالزين تاعيبت ماعمرني شفت الزين بحال ديال ديك الدرية ......... لابسة جلابة وديك الساعة مزال مكانوش هد جلالب لي كايزملو ....... الفورمة ديالها مابايناش جلابة وخا إتخشاو فيها جوج ...... ولكن وجه شي حاجة عينيها رماديين وكبار ...... والفم صغير وسنانها تقول غا رسمتيهوم حجبانها زعرين و البشرة ديالها دايرة بحال ديال الكور ....... مكاين لا مكياج لا تقلوة داكشي،من عند،سيدي ربي ...... قالت ليا السلام أنا كلثوم ..... قلت ليها السلام و لكن الحاحة راه مكايناش اليوما ....... زربت عليها واحد الزربة خايبة و حاولت مانبيينش ليها بلي عجباتني و بصاح ملي جات عند الحاجة وخاتكون كيما بغات تكون تبقى قحبة ...... قالت ليا الحاجة كانعرفها واقيلة قبل ماتعرفها شكون نتا واش كادير عندها ؟؟؟ بلاتي نصبن ليك التصبين راه ماشي،ديال رجال ؟؟؟ لا لا بلاش موالف كانصبن لراسي،وشكون أنا و أش كاندير هنا تاتجي الحاجة وسوليها ...... وخا على خاطرك ..... كنت مكانحملش القحاب و كانشوف فيهوم ديك النضرة ديال كايديرو واحد الحاجة خايبة مكايتقبلهاش الموجتماع و عيب تاشديت محالي وكبرت عقلي عاد ولاو كايجيوني القحاب حسن من المنافقين لي كايصليو و كايصومو تنين والخميس ..... صبنت حوايجي وعصرتهوم لراسي و نشرتهوم وجمعت القش ديالي نهود للدار نصرع الكاميلة قبل ماترجع الحاجة ..... قلت ليها نوضي على الكرسي غانزلو .... قالت ليا أه غاتنزل ...... نزل معاك شي حاجة قلت ليها لا بلاش ..... نزلت مع الدروج وتبعاتني قلت ليها فين غادا ...... قالت ليا الدار تا تجي الحاجة .... قلت ليها لا مغادخليش تاتجي الحاجة وديك الساعة ضبري راسك معاها ..... قالت ليا وخا أرا ليا الكرسي غانبقا غا فالسطاح تاتجي ..... قلت ليها كلسي على الصاك ديالك الكرسي غانزلو ..... هوت سديت الباب و خليت كلثوم فالشمس فالسطاح كاتشمس ...... و نصبت الكاميلة جات الحاجة قالت ليا واش نتا مغاتصليش قلت ليها لا غانصلي غا مكانولفهاش ...... طييبتي شي،غدا ..... أه موجود أرا لينا نتغداو ...... حطيت الغدا و نسيت كلثوم ماقلتش الحاجة راه كاتسول فيك واحد البنت يالله كلسنا كانتغداو ضغمة لولا التانية الثالثة ...... كلتوم كادق ناري عاد طاحت ليا فبالي تاسمعت الدقان وقفت نحل قالت ليا الحاجة غا كلس ..... غانشوف شكون اليوما مايسول فيا غا لي محتاجني ...... حلات الحاجة حاجة وحدة لي سمعت البرهوش ولد الحرااااااام ماقال ليا واااااالو ...... ناري يا موحماد قاوتيها ....... مع الدخلة دخلات ضربات الطبلة بواحد ركلة قلبات القلاوي بقينا بلا غدا ...... عولنا عليك الكربوز بكري ..... كلثوم كاضحك عليا ومارضيتش ماخملتش كري .... كاع داكشي لي دوزتو عليها .... فالسطاح رضاتو ليا بديك الضحكة .......جمعت المواعن بقات كلثوم كاتهضر هي والحاجة المهم فالهضرة ديالهوم بان ليا بلي كايعرفو بعضياتهوم مزيان و بلي كلثوم عزيزة على الحاجة ..... جات عندي الحاجة لكوزينة كالت ليا شوف أنا راه غانمشي ندير صلاتو الراحيم لشي ناس ...... ودرية راه غاتبقى هنا فالدار لحلان ما ممنوع وخايدير ماعرت أشمن دقة ....... ناري غانبقاو أنا وكلثوم فالدار ؟؟؟ خرجات الحاجة دخلات كلثوم البيت بقات فيها شحال ..... ونا مشيت البيت لي كايتجبدو فيها القحاب حيت هي لي فيها التلفازة كانتفرج ..... شوية خرجات عندي مالابسة ما عريانة ناري،على فورما ماقديتش نشوف فيها ...... من أحسن ماشفت فدار الحاجة من نهار دخلت ليها ...... جات كلسات فالسداري أونفاص معايا ....... قلت ليها سيري لبسي،حوايجك ...... قالت ليا علاش ؟؟ قلت ليها حيت اليوما الجوموعة و ناوياك بوحدنا فالدار ........غاتجي الحاجة غاتلقاك فديك الحالة غاتشرييها ليا غا أنا و ماعندي فين نمشي،إلى لاحت ليا حوايجي فالزنقة ....... قالت ليا علاش،ماعندك فين تمشي ؟؟ نتا ولد خيرية ؟؟ قالت ديك ولد خيرية و ماتقبلتهاش و نا أصلا كاعي قلت ليها نتي لي بنت خيرية يا القحبة ........ أنا شلح و عندي أصلي عندي با و عندي مي ...... تقولي ليا ولد خيرية ........ قالت ليا صافي يا موحماد أنا لي بنت خيرية ونا لي قحبة ....... ولكن شلوح عارفاهوم أنا فالحوانت و المحلبات و القهاوي .... ماشي،فديور القحاب ............
كلتوم قصتها مقودة بزاااااااف قصتها هي القصة الواحيدة لي حركات فيا شي حاجة المدة لي دوزت فدار الحاجة .....
يتباع .........