آخر الأخبار :

متدينون يعتبرون وفاة عالم الفزياء "ستيف هاوكينغ " مجرد نفوق دابة


 
أعلى الصورة: رسالة ستيفن هوكنگ إلينا في حياته. أسفل الصورة: رسائلنا إليه بعد وفاته.
 
"نَفَقَ الملحد ستيفن هوكنغ".. اللي معرفش شنو معنى "نفق" في لغة العرب فمعناها هو الموت ديال البهيمة (الحمار والعود والناگة..).. هاد الجملة ديال نفق الملحد هوكنغ اللي قالها داعية ديني مغربي عندو عشرات الالاف من الاتباع (يمين أسفل الصورة) هي فقط مثال من سيل هائل من التعليقات والمنشورات اللي خرجو بها أصحاب الفكر المتطرف في المغرب إثر وفاة عالم الفيزياء الكونية ستيفن هوكنغ (منشور سابق حول الموضوع: http://bit.ly/2HA1on6
).
 
السبب ديال هاد شي؟ هو أن ستيفن هوكنغ ماكانش مسلم وكتب كتابات كيقول فيها أنه لم يقتنع بوجود إله (هنا مثلا: https://imgur.com/a/uHVda
). (بين قوسين طبعا هذا الرأي هو فقط رأي شخصي ديالو قالو خارج اطار ابحاثه العلمية اللي هي الاساس ديال المساهمة ديالو للانسانية.. حيتاش هاد المساهمات غيّرت بشكل عميق رؤية الفيزيائيين للكون راجع هنا: http://bit.ly/2p93Fiv
). 
 
واخا.. أولا السي سمير واسماعيل ومحمد.. علما أن 99% من البشر اللي عاشو على الارض ماكانوش مسلمين فهذا يعني أنك مكتترحمش على الاغلبية الساحقة من البشرية. علما أن الاغلبية ديال هاد الناس إذا متّي نتا غادي يترحمو عليك عادي..
ـ علما أن هاد ستيفن هوكنگ (اللي كتقولو عليه نفق فحال الحمار) باش ماتو المسلمين فحرب سوريا ماشي غير ترحّم عليهم ولكن اعتبروم فحال ولادو (http://bit.ly/2GsErmp
). واعتبر كذلك حرب العراق جريمة (http://bit.ly/2tT9p4M
ـ علما أنه باش كانت اسرائيل كتقصف فغزّة وماتوا المسلمين دار تصريحات نارية ضد اسرائيل وشبّه اسرائيل بالنظام العنصري ديال جنوب افريقيا (http://bit.ly/2FB14rO
) .
ـ علما أنه رفض الذهاب لاسرائيل من اجل محاضرات علمية تضامنا مع فلسطين وكان أول عالم طبيعة من هاد القامة كيدير حاجة فحال هاد الشكل اللي دارت القلق لاسرائيل (http://bit.ly/2FAo0Y4
) بدرجات أكثر بكثير من داك "خيبر خيبر يا يهود" اللي حتا واحد ما سمعها باش خرجتي تقولها فالزنقة باش كنتي مراهق.
ـ علما أنه كان كيساند المسلمين في المنطقة كاملة معنويا عن طريق دعم التعليم (فحال فالدقيقة 2 من هاد الحلقة السابقة على قناتي: http://bit.ly/2dBzwSq
). وعلما أن القضية الفلسطينية عندو فقلبو لدرجة كان يشغل منصب استشاري فخري في مؤسسة جامعية فلسطينية (http://bit.ly/2GtwXQp
). 
ـ علما أنه كان كيساند المسلمين ماديا عن طريق ماله الخاص من مؤسسة ستيفن هوكنغ الخيرية وعن طريق حملات جمع تبرعات لإنشاء مدارس في المنطقة (http://bit.ly/2Hwzlow
)
 
باش كتجي نتا وتقول عليه "المسخ" و"المعتوه" و"نفق كالحمار" و"قال الله تعالى لا يجب ان نترحم على الكفار".. فقط حيتاش دينه مختلف على دينك ولا انه لم يقتنع بوجود الله.. فأنت لا تفعل سوى التشويه ليس فقط بنفسك ولكن كتشوّه حتا بداك التدين اللي كتهضر بسميتو.
 
كنتخيل راسي مثلا لاديني ولا هندوسي خالق فمدينة مومباي وأول مرة غادي نتعرف على الاسلام هو عن طريق تعليقات هاد الناس اللي كيقولو "عندنا في الاسلام هذا ملحد نفق لا نقول له ارقد بسلام" كيقولوها على واحد اللي ليس فقط أسدى خدمات لا تقدّر بثمن للانسانية ولكن أسدى خدمات للمسلمين بصفة خاصة.. طبعا أول فكرة غادي تطيحلي على بالي باش غادي نقرا هاد الشي هي أن المسلمين مجموعة من الحقراء الارهابيين اللي ما عندوم حتا شي درجة ديال الانسانية أو الامتنان الانساني.
 
ارقد بسلام بابا ستيفن.




نشر الخبر :
عدد المشاهدات
أرسل لأحد ما طباعة الصفحة
الرجاء من السادة القراء ومتصفحي الموقع الالتزام بفضيلة الحوار وآداب وقواعد النقاش عند كتابة ردودهم وتعليقاته،وتجنب استعمال الكلمات النابية أو الحاطة للكرامة الإنسانية.